Антитус
Инструкция
-
русский
-
қазақша
Саудалық атауы
АНТИТУС
Халықаралық патенттелмеген атауы
Бутамират
Дәрілік түрі
7,5мг/5мл шәрбат
Құрамы
5 мл шәрбаттың құрамында
белсенді зат – 7,50 мг бутамират цитраты,
қосымша заттар: натрий сахарині, бензой қышқылы, натрий кроскармеллозасы (натрий карбоксиметилцеллюлозасы), глицерин, сорбитол 70%, өрік хош иістендіргіші, тазартылған су
Сипаттамасы
Өріктің иісі бар мөлдір түссіз шәрбат.
Фармакотерапиялық тобы
Суық тию мен жөтел симптомдарын жоюға арналған препараттар. Жөтелге қарсы препараттар (қақырық түсіретін препараттармен біріктірілімін қоспағанда). Жөтелге қарсы басқа да препараттар. Бутамират.
АТХ коды R05DB13
Фармакологиялық қасиеттері
Фармакокинетикасы
Бутамират - 2-(2-диэтиламиноэтокси) этил-2-фенил бутират — ішке қабылдаған кезде жылдам және толық сіңеді. Шәрбат түрінде 15.0 мг қабылдағаннан кейін плазмада негізгі метаболит (2-фенилмай қышқылы) ең жоғары концентрацияға шамамен 1.5 сағаттан кейін жетеді және 6.4 мкг/мл құрайды. Жартылай шығарылу кезеңі 6 сағатты құрайды. Препаратты қайталап тағайындаған кезде оның қандағы концентрациясы дозаға тәуелді күйінде қалады және жиналып қалуы байқалмайды.
Бутамираттың бастапқы 2-фенилмай қышқылына және диэтиламиноэтоксиэтанолға дейін гидролизі қанда басталады. Бұл метаболиттердің жөтелге қарсы белсенділігі де бар. Метаболиттер бутамират тәрізді, плазма ақуыздарымен ең жоғары дерлік байланысу дәрежесіне ие (95%-ға жуық), бұл олардың плазмадан жартылай шығарылуы кезеңінің ұзақ болуына түрткі болады. 2-фенилмай қышқылы қосарлы орналасқанда гидроксилдену арқылы ішінара метаболизденеді. Үш метаболиттің бәрі де, негізінен, несеппен бірге шығарылады, сонымен қатар қышқыл реакциясы бар метаболиттер глюкурон қышқылымен айтарлықтай дәрежеде байланысқан.
Фармакодинамикасы
АНТИТУС химиялық жағынан да, фармакологиялық жағынан да апиын алкалоидтарына жатпайтын, жөтелге қарсы орталық әсері бар дәрі болып табылады. АНТИТУС жөтел орталығының қозғыштығын (орталықтық әсерді), шырышты қабықтардың тітіркенуін төмендетеді, бронхты орташа кеңейтеді, қақырықты түсіреді және қабынуға қарсы әсер етеді.
Қолданылуы
- этиологиясы әртүрлі құрғақ жөтелді симптоматикалық емдеуге: көкжөтелде, операция алдында және операциядан кейінгі кезендегі, хирургиялық араласуда, бронхоскопия жүргізу кезіндегі жөтелді бәсеңдетеді.
Қолдану тәсілі және дозалары
Өлшеуіш қасықты пайдаланыңыз (қоса берілген). Шәрбатты тамақтанудың алдында қолдану керек.
3-тен 6 жасқа дейінгі балаларға: 1 өлшеуіш қасықтан (7,5 мг/ 5 мл) күніне 3 рет.
6-дан 12 жасқа дейінгі балаларға: 2 өлшеуіш қасықтан (15мг/10мл) күніне 3 рет.
12 жастан үлкен балаларға: өлшеуіш 3 қасықтан (22,5 мг /15мл) күніне 3 рет.
Ересектерге: өлшеуіш 3 қасықтан (22,5мг немесе 15мл) күніне 3 рет.
Емдеу курсы – 4-5 күн.
Әр пайдаланудан кейін өлшеуіш қасықты жуу және кептірген жөн.
Жағымсыз әсерлері
Сирек:
- тері бөртпесі, қышыну, есекжем
- жүректің айнуы, құсу
- диарея
- бастың айналуы
-ұйқышылдық
Қолдануға болмайтын жағдайлар
- препараттың белсенді затына немесе кез келген компонентіне жоғары сезімталдық
- жүктіліктің І триместрі
- лактация кезеңі
- 3 жасқа дейінгі балалар
Дәрілермен өзара әрекеттесуі
Сипатталмаған
Айрықша нұсқаулар
Бутамираттың жөтелді басуына байланысты бронх түйілуі мен тыныс жолдары жұқпаларының пайда болу қаупі бар тыныс алу жолдарында қақырықтың жиналып қалуына жол бермеу үшін қақырық түсіретін дәрілермен бір мезгілде қолдануға болмайды.
Бүйрек жеткіліксіздігі бар науқастарға абайлап тағайындайды. Егер емделуші АНТИТУСТЫ өз бетінше қабылдай бастаса және 3–4 күн емдегеннен кейін жөтел тоқтамаса, дәрігерге қаралуы қажет. Емделу кезеңінде алкогольді ішімдіктерді және ОЖЖ басатын дәрілік заттарды (ұйықтатқыш дәрілер, нейролептиктер, транквилизаторлар және т.б.) қолдануға болмайды.
Қант диабеті бар науқастар
Препараттың құрамында қант жоқ, сондықтан оны қант диабеті бар емделушілерге тағайындауға болады.
Жүктілік және лактация
Жүктіліктің І триместрінде қарсы көрсетілімде; ІІ және ІІІ триместрлерде тікелей көрсетілімдері болған кезде дәрігердің кеңесімен ғана қолданылуы мүмкін.
Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері
Препаратты қабылдағаннан кейін автокөлікті басқарғанда және зейінді жұмылдыруды қажет ететін жұмыстарды орындағанда (мысалы, қауіпті механизмдермен жұмыс істегенде) абай болу керек.
Артық дозалануы
Симптомдары: ұйқышылдық, жүректің айнуы, құсу, диарея, тепе-теңдік сезімін жоғалту және гипотензия.
Емдеу: белсенділендірілген көмір, тұзды іш жүргізгіштер, сондай-ақ жүрек-қантамыр және тыныс алу жүйесінің функциясын демеу шаралары
Шығарылу түрі және қаптамасы
150 мл препарат алғашқы ашылуы бақыланатын, бұралатын қақпағы бар қүнгірт түсті шыны құтыға құйылған.
Құтыға өздігінен желімденетін заттаңба жапсырылады.
1 құты өлшеуіш қасықпен немесе өлшеуіш стақанымен, медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапшаға салынады.
Сақтау шарттары
Құрғақ, жарықтан қорғалған жерде, 25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Жарамдылық мерзімі өткеннен кейін қолдануға болмайды.
Дәріханадан босатылу шарттары
Рецептісіз
Өндіруші
«Нобел Алматы Фармацевтикалық Фабрикасы» АҚ
Қазақстан Республикасы
Алматы қ-сы, Шевченко к-сі, 162 Е.
Тіркеу куәлігінің иесі
«Нобел Алматы Фармацевтикалық Фабрикасы» АҚ
Қазақстан Республикасы
Қазақстан Республикасы аумағында тұтынушылардан өнімнің (тауардың) сапасы жөнінде шағымдарды қабылдайтын ұйымның мекенжайы:
«Нобел Алматы Фармацевтикалық Фабрикасы» АҚ
Қазақстан Республикасы, Алматы қ-сы, Шевченко к-сі, 162 Е
Телефон нөмірі: (+7 727) 399-50-50
Факс нөмірі: (+7 727) 399-60-60
Электрондық поштасы: nobel@nobel.kz