Айкрол

Айкрол

Кромоглиций қышқылы

Көзге тамызатын дәрі 4%, 10 мл

1 мл препараттың құрамында

белсенді зат - 40 мг натрий кромогликаты,

қосымша заттар: 50 % бензалконий хлориді (100% бензалконий хлоридіне баламалы), динатрий эдетаты, полисорбат 80, хлорсутек қышқылы немесе натрий гидроксиді, инъекцияға арналған су.

Түссізден болымсыз-сары түске дейінгі мөлдір ерітінді.

Көз ауруларын емдеуге арналған препараттар. Деконгестанттар және аллергияға қарсы препараттар. Аллергияға қарсы басқа да препараттар. Кромоглиций қышқылы.

АТХ коды S01GX01

Фармакокинетикасы

Сіңірілуі

Көзге тамызатын дәріні қолданған кезде препараттың көздің шырышты қабығы арқылы сіңірілуі болымсыз.

Жүйелі биожетімділігі – 0.1%-дан аз.

Шығарылуы

Т1/2 5-10 минутты құрайды.

Фармакодинамикасы

Айкрол – құрамына кромоглиций қышқылының динатрий тұзы кіретін аллергияға қарсы дәрі. Емдік әсері жуан жасушалардың дегрануляциясына, және олардан гистаминнің, брадикининнің, лейкотриендердің (оның ішінде, баяу әсер ететін субстанцияның) және басқа биологиялық белсенді заттардың бөлініп шығуына кедергі жасайтын кромоглиций қышқылының жарғақша тұрақтандыратынын әсер беруіне негізделген. Айкрол препараты профилактикалық қолданған кезде тиімді, себебі аллергиялық және қабыну реакциялары дамуының алдын алады. Көздің аллергиялық аурулары кезінде толық клиникалық әсерге бірнеше күннен немесе аптадан кейін жетеді.

- жедел, маусымдық және жыл бойғы аллергиялық конъюнктивиттердің профилактикасы және емдеу

Ересектерге және 8 жастан асқан балаларға бірдей уақыт аралықтарында тәулігіне 3-4 рет екі көзге де 4% ерітіндінің 1-2 тамшысын тамызады (клиникалық әсерге қол жеткізгеннен кейін қолданулар арасындағы аралықтарды біртіндеп арттырады).

Тек қана дәрігердің тағайындауымен. Емдеу курсын дәрігер анықтайды.

Жергілікті қолданған кезде әдетте Айкрол көтерімділігі жақсы және көздің тітіркену симптомдары сирек кездеседі.

Жиі (>1/100)

- қысқа мерзімді күйдіріп-ашыту сезімі, көздің жергілікті тітіркенуі және көру айқындылығының бұзылуы

Өте сирек (<1/10000)

- конъюнктиваның ісінуі, бөтен денені сезіну, көздің құрғауы, көзден жас ағу

- препараттың компоненттеріне аса жоғары сезімталдық

- 8 жасқа дейінгі балалар

Құрамында глюкокортикостероидтар бар офтальмологиялық препараттарды қолдану қажеттілігін төмендетеді.

Айкрол тек қана жергілікті қолдануға арналған. Егер көзге тамызатын дәріні қолданғаннан кейін конъюнктивалық гиперемия ұзақ уақыт жалғасса немесе үдесе, онда препаратты пайдалануды тоқтатып, дәрігерге қаралған жөн.

Қосымша зат ретінде препараттың құрамында бензалконий хлориді бар. Бензалконий хлориді жұмсақ жанаспалы линзада тұнбаны түзілтуі мүмкін. Сондықтан, Айкролды жанаспалы линзаны киген кезде қолданбаған жөн.

Жанаспалы линзаны пайдаланған кезде тамызар алдында оларды көзден алып және препараттың инстилляциясынан кейін 15-20 минуттан соң қайта таққан жөн.

Қаптаманың ішіндегісін микробтық ластаудан аулақ болу үшін тамызғыштың ұштығын қандай да бір беткейге тигізбеген жөн.

Әрбір қолданудан кейін құтыны жауып қою қажет. Пипетканың ұшын көзге тигізіп алмаған жөн.

Педиатрияда қолданылуы

8 жасқа дейінгі балаларда Айкролды қолдану тиімділігі мен қауіпсіздігі зерттелмеген.

Жүктілік және лактация кезеңі

Айкрол көзге тамызатын дәріні жүктілік кезінде қолдану емнен күтілетін пайда шаранаға төнетін қауіптен артық болған жағдайларда ғана ұсынылады.

Препаратты лактация кезеңінде қолданған жағдайда емшек емізуді тоқтатқан жөн.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Инстилляциядан кейін көрудің бұлыңғырлануы мүмкін, бұл автомобильді басқару және механизмдермен жұмыс істеу кезінде қиындықтар туындатуы мүмкін.

Артық дозалану ықтималдығы төмен, себебі жергілікті және жүйелік сіңірілуі – елеусіз.

Симптомдары: жағымсыз әсерінің күшеюі

Емі: симптоматикалық.

Шығарылу түрі және қаптамасы

Тамшылатқыш тығыны және қорғағыш сақинамен жабдықталған бұрандалы қорғаныс қақпағы бар пластик құтыда препарат 10 мл-ден.

1 құтыдан мемлекеттік және орыс тілдеріндегі нұсқаулықпен бірге картон қорапқа салынған.

Жарықтан қорғалған жерде, 25 оС-ден аспайтын тем­пературада сақтау керек.

Балалардың қолы жетпейтін жерде сақтау керек.

Құтыны алғаш ашқаннан кейінгі қолдану кезеңі 4 апта ішінде.

3 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

Е.И.П.И. Ко., Тенс ов Рамадан Сити, Бірінші Өндірістік Аймақ В1, а/ж 149 Тенс, Мысыр

(«E.I.P.I.CO.» Tenth of Ramadan City, First Industrial Area B1, P.O. box: 149 Tenth, Egypt,)

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы

ҚР, «WM Pharma Alliance» ЖШС, Алматы қ., Сүйінбай д-лы, 222 Б

Тел/факс: 8 (7272) 52 90 90

Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«TROKA-S PHARMA» ЖШС, ҚР, Алматы қ., Сүйінбай д-лы, 222 Б

Ұялы тел +7 701 786 33 98, (24-сағат бойы қол жетімді).

е-mail: pvpharma@worldmedicine.kz